سونے کے داموں میں بھاری گراوٹ، جانیں آج کے دام

Beed
سونے کے داموں میں بھاری گراوٹ، جانیں آج کے دام

نئی دہلی: سونے کے داموں میں بڑی گراوٹ درج کی گئی ہے۔ گزشتہ کئی مہینوں سے سونے کے داموں میں گراوٹ کا رجحان نظر آ رہا تھا، تاہم اب اچانک داموں میں بھاری گراوٹ واقع ہوئی ہے۔ این ڈی ٹی وی کی رپورٹ کے مطابق بین الاقوامی بازاروں میں کمزوری کے رخ اور روپے کے ڈالر کے مقابلہ استحکام کے سبب دہلی میں منگل کے روز سونا کے دام 679 روپے کی گراوٹ کے ساتھ 44760 روپے فی 10 گرام رہے۔ گزشتہ کاروباری سیشن کے دوران سونے کا کاروبار 45439 روپے فی 10 گرام پر بند ہوا تھا۔

لکھنؤ: بی جے پی رکن پارلیمنٹ کوشل کشور کے بیٹے نے خود اپنے اوپر فائرنگ کرائی! پولیس کا سنسنی خیز انکشاف

ایچ ڈی ایف سی سیکورٹیز نے بتایا کہ چاندی بھی 1847 روپے لڑھک کر 67073 روپے فی کلو گرام رہ گئی، جبکہ اس کا کاروبار گزشتہ کاروباری سیشن میں 68920 روپے فی کلوگرام پر بند ہوا تھا۔ بین الاقوامی بازار میں کاروبار کے دوران سونا گراوٹ کے ساتھ 1719 ڈالر فی اونس اور چاندی کمزوری کے ساتھ 26.8 ڈالر فی اونس پر تھا۔

انڈیا بولین اینڈ جولرس ایسو سی ایشن لمیٹڈ یعنی آئی بی جے اے کے داموں پر نظر ڈالیں تو آج سونے کی قیمت اس طرح ہیں۔ (یہ قیمتیں ایک گرام پر بغیر جی ایس ٹی چارج کے بتائی گئی ہیں)